خيانة الرجل الاعمي

يصعب على فتاة زي أن تتزوج من أعمى لمجرد أن لديه المال. لدينا مناطق في الريف حيث الأموال هي العامل المؤثر علي كل شئ . وانا عائلتي علي قدها 

وابويا كل شوية يخلف ويرمى وبالنسباله البنات هي الكتكوت اللى بيربيه ولما يكبر بيبقى ليه تمن ويبيعه.

بداية القصة

نحن خمس بنات وأربعة رجالة ، ولدينا مهمة معروفة كل يوم في على الغيط ويشتغلوا زى الحمير وطبعًا بدون مقابل لانهم بيشتغلوا فى غيط ابوهم اللى بياكلهم ويشربهم ويلبسهم وكمان هيجوزهم فى نفس البيت لاى بنت غلبانة مقطوعة من شجرة ومالهاش اهل ومش هتطلب اى طلبات مادية زى اللى حصل مع اخويا الكبير بالظبط

وابويا فاكر ان الطريقة دي صح لكن لما هربت مرات اخويا من البيت عرف انة طريقة تفكيرة غلط لكن مفيش فيدة وفاضل يبيع فينا 

وانا كنت اخر الناس اللي تباعت لمة وحدة في سني عندها ١٩ سنة وجميلة وتتجوز واحد كان شغال في الجيش وتحول معاش مبكر وعندة ٥٧ سنة ومش بس كدة لا دا كمان هو خارج لانة اتصل وفقط نظرة وبقي اعمي ومحتاج حد يخد بالة منة عشان كدا بيضور علي وحدة من الارياف ملهاش كلمة ولا اي حاجة يتصرف فيها برحتة 

، لان طبعا محدش هيرضي بواحد بظروفة كدا ولو اتجوز اكيد هيتجوز وحدة قريبة من سنة او علي الاقل تكون متجوزة قبل كدا مش لسة مفرحتش ولا حبت قبل كدا لكن مجتمعنا ظالم اول ما البنت تغلط يعلقلها المشنقة

وفي شهر ١٠ من ٥ سنين كان عندي بظبط ١٩ سنة ولقيت حد بيخبط علي الباب لابس نضارة وماسك عصاية ومعا واحد شكلة صحبة سندة وابويا فتحلة ورحب بية وقلة

 اتفضل يا استاذ هانى ، اتفضل يامراحب البيت كلة  نور

وفي الاول مكنتش عرفة حاجة ومهتمتش وسعتها كنت صحية من النوم وقفت قصاد المرايا وسرحت شعري وفجاة سمعتة بيتكلم عن الجواز وابويا بيقولة

 بناتى كلهم تحت امرك

فجاة خفت وبدات اتصنت علي كلمهم من ورا الباب وسمعت ابويا بيتفق معا علي المهر ودا طبعا بعد ما فاصل معا وطلع منة بمبلغ كويس ولقتهم بيقراو الفتحة و اول مقالو امين صاحب هاني قال لي ابويا

مش هتجيب العروسة تتعرف على خطيبها ولا ايه

 طبعًا ، حالا هتكون جاية 

ونده وقال يابت ياوعد هاتى الشاى

واول ما ندا اسمي اتفجات ومكنتش قدرة اتحرك وعرفت ان الاعمي هو اللي جاي يتجوزني  لطمت علي وشي وقعت اعيط وعملت نفسي مسمعتش حاجة ومكنتش عرفة اتصرف اذي  ولكن نادة عليا تاني وسعتها قولت انا لذم اعمل الخطوة الجريئة دي وقلة مش عيزة الجوازة دي 

 طلعت بالشاى ، الراجل  سلم عليا  وكشرت فى وشه ودخلت على جوه ، هانى  سأل:

 هي لية مسلمتش عليا 

ابويا رد عليه  كسوف بنات بقا

ابويا وصاحبة  بصوا لبعض وحاولوا يخبو علي هاني  غضبي من الموضوع واتفقوا على ان الجواز يكون بعد اسبوع